Aprè tout tole ki genyen nan mache foutbòl la, Kylian Mbappé poko di anyen sou avni li nan PSG. Real Madrid an bon ti landenn toujou ap fè mannèv pou l wè si l’a keyi ti grenn jwè Ble yo(ekip fransèz la.).
Malgre tout bri sa yo, jwè an pokko si anyen sou avni li paske l konnen sou kontra ak PSG jiska mwa jwen 2022. Pou kounye a la nou konnen l’ap jwe Ewo 2020 an, ki pat posib pou fèt ane pase akoz kowonaviris la. Mbappé fè konnen ke << Pari Sen Jèmen pa priyorite’m pou moman la, tout priyorite’m se ekip fransèz la, Ewo sa. Se yon gran konpetisyon, se sou sa’m konsantre’m kounya>>
Men nan koulwa Real pa ezite ap takinen pou’l wè si l’a rekrite jwe parizyen an.
Prezidan Klèb Merenge a fè konnen l’ap mete a dispozisyon non ak jiridik pro-Real Madrid nan kontra pou Kylian an ka pwolongasyon avèk klèb PSG a. Florentino Pérez swete fikse yon pri davans pou achte atakan an si’l ta pwolonje ete sa ak klèb la, sa t’ap pèmèt klèb la fikse tarif pa ‘l, sa ki ta sanble pa nan panse klèb la pou kounya.
Antouka, n’ap tann repons final Mbappé avan lontan, nou konne Real pap by vag.
Le 10sport.com
